काठमाडौं, भाद्र २८ ।
नेपाली सिमेन्ट उद्योगको इतिहासमा पहिलो पटक निर्माण सम्बन्धी सम्पूर्ण जानकारी दिने उद्देश्यले जगदम्बा सिमेन्टले ‘हाम्रो घर’ नामक मोबाइल एप्स बजारमा ल्याएको छ ।

एक कार्यक्रमको आयोजना गरी चर्चित मिडियाकर्मी भुषण दाहालले उक्त एप्सको शुभारम्भ गरेका छन् । एप्स निर्माण सम्बन्धि काम गर्ने इन्जिनियर, कन्ट्रयाक्टर, डिलर लगायत आम उपभोक्ताका लागी अत्यन्त उपयोगी देखिएको छ ।

उक्त एप्समा निर्माण समाग्रीसम्बन्धी जानकारी, सिमेन्टको गुणस्तर मापदण्ड, भूकम्पीय सुरक्षाका साथै जगदम्बा सिमेन्टको कम्पनि प्रोफाइल, कम्पास, युनिट कन्भर्टरका साथै जगदम्बा सिमेन्ट किन्न पाइने स्थानहरूको जानकारी उपलब्ध रहेको छ ।

जगदम्बा सिमेन्टले देशको कुनै पनि ठाउबाट आफ्ना प्रतिनिधिलाई जगदम्बा सिमेन्ट बारे जानकारी लिन र खरिद गर्न एप्स उपयोगी हुने बताएको छ ।

कार्यक्रममा जगदम्बा सिमेन्टका प्रबन्ध निर्देशक विष्णु प्रसाद न्यौपानेले आम उपभोक्तालाई सजक बनाउन एप्स ल्याइएको बताउँदै अन्य कम्पनिहरूले पनि एप्स ल्याएर उपभोक्तालाई सजक बनाउनु पर्ने बताए । न्यौपानेले एप्स व्यापारिक प्रयोजन भन्दा पनि उपभोक्तालाई सजक बनाउनको लागी ल्याइएको जानकारी गराए ।