चितवन, फागुन २५ ।
चितवनमा गुण्डागर्दी गरेको आरोपमा एक सुरक्षा गार्डसहित तीन जनालाई प्रहरीले पक्राउ गरेको छ । चितवनका प्रहरी उपरीक्षक दिपक थापाकाअनुसार गएराति सौराहाको ‘लायन्स डेन’ डान्सबारमा तोडफोड गरेको आरोपमा तीन जना गरी बारका सुरक्षा गार्डलाई पक्राउ गरिएको प्रहरीले जनाएको छ ।

प्रहरीले गुणडागर्दी गरेको आरोपमा चितवन खैरहनीका निकेश भण्डारी, सुमन डल्लाकोटी, सीताराम डल्लाकोटी र सुरक्षा गार्ड भरतपुरका दशरथ श्रेष्ठलाई पक्राउ गरेको हो ।

उनीहरूले डान्सबारमा बस्नु पर्‍यो भनी झगडा गर्न थालेपछि विवाद भएको थियो । विवादपछिको झगडामा डान्सबारको कुर्सी तोडफोड गरी भाग्ने क्रममा प्रहरी चौकी बछौलीका प्रहरी नायब निरीक्षक दुर्गाबहादुर कुँवरको नेतृत्वको टोलीले उनीहरूलाई पक्राउ गरेको हो ।

उनीहरू चढेको ना. २ च ८३०९ नम्बरको गाडीसमेत प्रहरीले नियन्त्रणमा लिएको छ भने पक्राउ परेका चारै जनालाई गुण्डागर्दी ऐनअन्तर्गत अनुसन्धान मुद्दा चलाइएको प्रहरीले जनाएको छ ।