काठमाडौं, असोज ४ ।
हामिले सुन्दरताको परिभाषा दिने हो भने दुई किसिमको सुन्दरता हुन्छ । एक बाहिरी सुन्दरता र अर्को भित्री सुन्दरता । सबैले भन्ने गर्छ बाहिरी सुन्दरता भन्दा भित्री सुन्दरता महत्वपूर्ण हुन्छ । तर भित्रि सुन्दरता जतिसुकै भएपनि बाहिरी सुन्दरताको पनि उत्तिनै महत्वं हुने गर्दछ । राम्रो देखिने हरेक मानिसको इच्छा चाहना हुन्छ । सुन्दर बन्नका लागि मानिसहरूले धेरै तरिकाहरू अपनाउने गर्दछ । मानिसले सुन्दर अनुहार र छालाको लागि पनि धेरै तरिका तथा विधी प्रयोग गरेका हुन्छन् ।

तर, जापानमा अपनाइने सुन्दर हुने विधी भने अचम्मको छ । जापानमा सुन्दर हुनका लागि अनुहारमा शंखेकिरा हिडाइन्छ । केही शंखेकिरालाई आफ्नो अनुहारमा हिडाइन्छ र सकेसम्म अनुहारको सबै भागमा पुगोस् भनेर ४, ५ ओटा शंखेकिरा समेत अनुहारमा राखिन्छ ।

यसरी अनुहारमा शंखेकिरा राख्दा छालामा रहेको मृत कोषहरू हट्छ र छालालाई सुन्दर बनाउँछ । यस्तो विधी प्रयोग गर्ने एक बेलायती पत्रकारले आफूलाई यो विधी आफूलाई निकै अनौठो र राम्रो लागेको बताएकी छन् । उनले आफूले त्यो विधी अपनाउँदा फाइदा भएको र निकै अचम्मको अनुभव भएको समेत बताइन् ।

उनका अनुसार शंखेकिरा अनुहारमा निकै चाँडो हिडेको र निकै कडा रूपमा चुस्ने गर्छ । यसले मरेका कोषहरू बाहिर निकाल्छ र छालालाई स्वस्थ्य बनाउँछ । आफुले प्रयोग गरेको उक्त शंखेकिरा आफूहरूले खान प्रयोग गर्ने संखेकिरा जस्तै भएको उनको भनाई थियो ।