एजेन्सी, असोज १६ ।
क्रासनोदर सिटीमा पुलिसले एक ‘नरभक्षी’ जोडीलाई पक्राउ गरेको छ । उनीहरूले मानिसहरूलाई लागुऔषध खुवाएर आफ्नो शिकार बनाउने गरेको जनाएको छ । लागुऔषधको नशा चढेपछि उनीहरुरूको हत्या गरिने पनि खुलासा भएको छ ।

उनीहरूले सन् १९९९ देखि अहिलेसम्म ३० जनालाई मारेर मासु खाएको स्विकार गरेका छन् । पुलिसले यो जोडीको घरबाट मानव अंग पनि बरामद गरिएको छ ।

पुसिल रिपोर्ट अनुसार रुसको क्रासनोदर सिटिमा बस्ने ३५ वर्षका दिमित्री बोकेशेवले मानिसलाई मारेर उनीहरूको मासु खाने सिलसिला सन् १९९९ देखि सुरु गरेको स्विकारेका छन् ।

दिमित्रीले उक्त अपराधमा उनकी ४२ वर्षीया नर्स श्रीमती नतालिया पनि समावेश भएको जानकारी दिए । पुलिसले नतालियालाई पनि पक्राउ गरेको छ ।

यो जोडीले मानिसहरूलाई मारेर मानव मासुलाई फ्रिजरमा राखेर उक्त मासुको अचार पनि बनाउने गरेको खुलासा भएको छ ।

उनीहरूले घरमा नै एउटा भण्डार बनाएका थिए जहाँ उनीहरु आफ्ना शिकारीको शरिरको टुक्रा राख्थे र उनीहरुसँग सेल्फी पनि खिच्थे । उक्त भण्डारबाट १९ वटा छाला पनि बरामद गरिएको छ । यसबाट यो पत्ता लाग्छ कि आरोपीले हत्या पछि शवबाट छाला निकाल्ने गर्दथे ।

पुलिसको एक रिपोर्ट अनुसार अहिलेसम्म दिमित्री र नतालियाको भेट र विवाह कसरी भयो भन्नेबारे जानकारी आएको छैन । यद्यपी, उनको परिवार मिलिट्री एकेडेमीको क्वार्टर होस्टेलमा बस्ने गरेको पत्ता लागेको छ ।

आरोपीहरूको मनोरोग सम्बन्धि परिक्षण पनि गरिएको छ जसमा दुबै मानसिक रूपमा स्वस्थ बताइएको छ । ईमनिङ पोस्ट