एजेन्सी, असोज १८ ।
चकित पार्ने खालको खबर छ । एक बालिका, जो सर्पझैँ बनिरहेकी थिइन्, उनले पछिल्लो १५ दिनमै नयाँ जिवन पाउने लक्षण देखिएको छ ।

दर्दनाक कहानी हो एक बालिकाको, जसको शरीरले सर्पले झैँ काँचूली फेरिरहेको थियो र कत्ला उठिरहेका थिए । उनको शरीर विस्तारै सर्पको छाला जस्तै बनिरहेको थियो ।

अहिले उनै बालिकाको उपचार सुरु भएको छ र १५ दिनमै उपचारको प्रभाव देखिएको छ । कत्लाले ढाकिएको अनुहार निको हुँदैछ । यद्यपि पूरै शरीर निको हुन ३ महिना लाग्नेछ ।

यो घटना हो भारतको छतरपूर जिल्लास्थित एक गाउँको । गाउँकी एक बालिका एरिथ्रोडर्मा नामक रोगबाट पीडित भएर दर्दनाक जिवन बिताइरहेकी थिइन् ।

यो घटनाले सामाजिक सञ्जालमा चर्चा पाएसँगै स्पेनको भिक्टोरिया युनिभर्सिटी अस्पतालले पनि थाहा पायो ।

त्यस पश्चात अस्पतालले ती विरामीको उपचार गर्ने इच्छा राख्यो । ती बालिकालाई स्पेन बोलाइयो र त्यहाँ उनको उपचार सुरु भयो ।

उपचार सुरु गरेको १५ दिनमै त्यसको प्रभाव देखिएको छ । उनको पूरै उपचारमा झण्डै ६५ लाख रुपैयाँ लाग्ने बताइएको छ । अस्पताल स्वयंले सो सम्पूर्ण खर्च ब्यर्होने छ ।