एजेन्सी, असोज २० ।
लण्डनका एक जना महिलाले टिभीमा कार्यक्रम हेर्दै गर्दा उनले आफ्नो पतिलाई अर्कै महिलासँग बसिरहेको फेला पारेकी छन् । बीबीसी १ च्यानलको रियालिटी शो द अप्रेन्टाइस कार्यक्रममा यस्तो रोचक दृश्य कैद भएको हो ।

उक्त महिला रोजा सिल्भरम्यान हुन् । उक्त कार्यक्रम हेर्दै गर्दा उनले श्रीमान्लाई लण्डनको ब्रिक्सटन क्याफेमा पक्रिएकी हुन् । द सनका अनुसार उनीहरूको बच्चालाई काखमा राखेर उनको पति अर्कै महिलासँग कफी खाइरहेका थिए ।

उक्त महिलाको पहिचान भने खुल्न नसकेको बताइएको छ । रोजाको साथीले यसबारे उनलाई भनेकी थिइन् । तर उक्त फुटेजलाई गम्भीरताका साथ हेरेपछि भने उक्त महिला रोजाको जोडीकै साथी रहेको खुलेको थियो ।

रोजाका अनुसार उनको पतिसँग यसबारे अरु थुप्रै सोही दिनका तस्बिरहरू पनि थियो । आफूले कहिल्यै आफ्नो पतिमाथि शंका नगरेको उनले दाबी समेत गरिन् । उक्त टिभी शोको ६ महिनादेखि सुटिंग भइरहेको थियो ।