एजेन्सी, चैत १ ।
ब्रिटेनको माथिल्लो सदनले युरोपेली संघ छाड्न औपचारिक कानुनी प्रक्रिया यसै महिनाको अन्त्यबाट सुरु गर्न अनुमति दिने ब्रेक्जिट प्रस्ताव पारित गरेको छ ।

ब्रिटिस सरकारले ईयुका नागरिकको आवासीय अधिकार सुनिश्चित गर्नुपर्ने र अन्तिम सम्झौतामाथि सांसद्हरूलाई मतदान गर्न दिनुपर्ने माथिल्लो सदनको यसअघिको निर्णयबाट भने पछि हटेको छ । स्कटल्याण्डले ब्रिटेनबाट स्वतन्त्र हुने र नहुनेबारे दोस्रो जनमतसंग्रहको घोषणा गरेकाले यो प्रक्रिया जटिल बन्दै गईरहेको बताएका छन् ।

त्यहाँका प्रधानमन्त्री थेरेसा मेले ईयूबाट बाहिरिने विषयमा मार्च महिनाको अन्त्यमा मात्रै संघलाई औपचारिक जानकारी गराउने भएका छन् । ब्रेक्जिटको पक्षमा वकालत गर्नेहरूले सरकारलाई औपचारिक वार्ताका लागि स्पष्ट जनादेश दिएको विषयलाई स्वागत गरेका छन् ।