काठमाडौं, असोज ३१ ।
प्रतिनिधिसभा र प्रदेशसभाको निर्वाचनका लागि रणनीति तयार पार्न नेकपा एमालेको स्थायी समिति बैठक आजबाट सुरु हुनेछ ।

राजधानीको गोकर्ण रिसोर्टमा आज अपरान्हदेखि तीन दिनसम्म चल्ने बैठकमा एमालेको निर्वाचन घोषणापत्र तयारी, उम्मेदवार चयन लगायतका विषयमा छलफल गर्न स्थायी समिति बैठक बस्न लागेको हो ।

उक्त बैठकले बाम गठबन्धनअनुसार सिट संख्या टुग्याउनुका साथै प्रदेश र प्रतिनीधिसभा निर्वाचनको भावी रणनीति तयार गर्ने एमालेले जानकारी दिएको छ । बैठकले समानुपातिक र प्रत्यक्षतर्फको उम्मेदवारका लागि अन्तिम सूची तयार पार्नेछ ।