सुनसरी, चैत्र २ ।
नेपालको सुनसरी इटहरीमा बर्ड फ्लुको जीवाणु भेटिएको छ । इटहरीको तालतैलायका पक्षी र खनार क्षेत्रका कुखुरामा भेटिएको बर्ड फ्लु नयाँ खालका भएको पुष्टि गरेको छ ।

सुनसरी इटहरीमा भेटिएको नयाँ प्रजातिको बर्ड फ्लु भाइरस एच ५ एन ८ रहेको जिल्ला पशु सेवा कार्यालय सुनसरीका प्रमुख शिवनाथ महतोले जनाएको छ । यसअघि नेपालमा बर्ड फ्लुको एच ५ एन १ भाइरस देखिँदै आएको थियो ।

भारतमा पछिल्ला समयमा देखिँदै आएका बर्ड फ्लु भाइरस एच ५ एन ८ रहेको र यो भाइरस मानिसमासमेत सर्न सक्ने खतरा धेरै रहेको उनले बताएका छन् ।