एजेन्सी, चैत्र २ ।
भारतको उत्तरप्रदेशमा रहेको इलाहावादस्थित भारतीय वायुसेनाको एक हेलिकोप्टर अवतरणको क्रममा दुर्घटना भएको छ ।

आज भएको हेलिकोप्टर दुर्घटनामा पाइलट सुरक्षित रहेको जनाइएको छ । उक्त हेलिकोप्टर नियमित ट्रेनिङका क्रममा उडान भरिरहेको अवस्थामा दुर्घटना भएको भारतीय संचारमाध्यमले जनाएका छन् ।

केही अघि राजस्थानको बाडमेरमा पनि भारतीय वायुसेनाको लडाकु विमान दुर्घटना भएको थियो । त्यस्तै उत्तराखण्डको चमोलीमा भारतीय वायुसेनाकै एक हेलिकोप्टर दुर्घटना भएको र दुर्घटना हुनुका कारणका बारेमा जानकारी दिइएको छैन ।

वायुसेनाको हेलिकोप्टर तथा विमान लगातार दुर्घटना हुन थालेपछि भारतीय रक्षा अधिकारीहरूका लागि चिन्ताको विषय बनेको विज्ञहरूको भनाइ छ ।