एजेन्सी, कार्तिक ८ ।
भारतको राजधानी नयाँ दिल्लीमा एउटा अनौठो तथा दर्दनाक घटना घट्न पुगेको छ । जहाँ एक छ वर्षीय बालकको हत्या भएको छ । अनि उक्त हत्याकाण्डमा एक १९ वर्षीय युवकसमेत पक्राउ परेका छन् ।

हत्याको कारण निकै अनौठो किसिमको थियो । अर्काकी श्रीमतीलाई नुहाउने बेलामा हेरेको आरोपमा छ वर्षीय बालकले ज्यान गुमाएका हुन् । समाचारअनुसार रोहित नामका १९ वर्षीय युवकले ती छ वर्षीय बालकको बुबाबाट २० हजार भारु रकम फिर्ता लिनु थियो । त्यसका लागि उनले बालकको अपहरण गरेर आफ्नो घरमा लगेका थिए ।

ती बबुरा बालकले अपहरणकारी रोहितकी श्रीमतीले नुहाउन थालेको बेलामा नुहाइरहेको हेरेका रहेछन् । जब आफ्नी श्रीमतीले नुहाउन थालेको बेलामा ती बालकले देखेको कुरा रोहितले पत्तो पाए तब उनलाई रिसको पारो तात्यो । त्यसपछि उनले ती बालकको टाउको भित्तामा ठोकिदिएर हत्या गरेका थिए ।

रोहितले पुलिससँगको बयानमा हत्याको त्यो अनौठो कारणको खुलासा गरेपछि सबैजना अचम्मित परेका थिए ।