काठमाडौं, पुस १८ ।
व्यवस्थापिका संसद्को बैठक सूचना टाँसेर भोलि मंगलबार दिउँसो १ बजेसम्मका लागि स्थगित गरिएको छ । आज बसेको बैठक विपक्षी दलले निरन्तर अवरोध गरेपछि साँझ ४ बजे बस्ने गरेर स्थगित भएको थियो ।

तर यो समयमा सहमति जुटाउन कुनै छलफल नभएकाले सभामुख ओनसरी घर्तीमगरले सूचना टाँस गरे बैठक भोलि सम्मका लागि स्थगित गरेकी हुन् । सभामुख घर्तीमगरले भोलि संसद् बैठक बस्नुअघि ११ बजे बस्ने कार्य व्यवस्था समिति बैठकमा उपस्थिति हुन शीर्ष नेताहरूलाई आग्रह पनि गरेकी छन् ।

यसअघि आज विपक्षी दलको विरोधका बाबजुद सुरु भएको बैठकमा नेकपा मालेकी कमला विकले विपक्षीकोतर्फबाट भनाई राखेपछि एमालेलगायत विपक्षी दलले योभन्दा अघि जस्तै अवरोध गरेका थिए । सत्तारुढ दलले संविधान संशोधन विधेयक अघि बढाउन आग्रह गरे पनि एमालेले भने विधेयक फिर्ता नलिएसम्म संसद् चल्न नदिने अडान राखेको थियो ।