एजेन्सी, पुस १८ ।
इराकको राजधानी बग्दादनजिक रहेकाे अत्याधिक जनघनत्व भएको इलाकामा अाज कार बम विष्फाेटमा परी कम्तीमा ३२ जनाकाे ज्यान गएकाे छ । आक्रमणमा परी अन्य दर्जनौं व्यक्ति घाइते भएकाे प्रहरी र अस्पतालका अधिकारीले जानकारी दिएका छन् । आक्रमणमा मारिएका प्रायः व्यक्ति सदर सरहको विभाजन रेखामा कामको लागि फर्खिरहेका श्रमिक परेकाे जानकारी दिए ।

इराकको राजधानी बग्दादको उत्तरपूर्वीको छिमेकमा पर्ने उक्त इलाकामा आतङ्ककारीले सिया मुसलमान समुदायलाई लक्षित गर्दै बारम्बार आक्रमण गर्दै आएका छन् । विष्फाेटनपछि बाक्लो धुँवाको मुस्लो आकाशमा फैलिएको र घाइतेहरूलाई त्यस इलाकाबाट अस्पतालतर्फ लगिएको सामाजिक सञ्जालले देखाएको छ ।

आज भएको आक्रमणको तत्काल कुनै पनि समूहले जिम्मा लिएको छैन । तर यसअघि भएका यस प्रकारको आक्रमणमा (इस्लामिक स्टेट) आइएस आतङ्ककारी समूहले जिम्मा लिदै आएकाे हुनाले यस आक्रमणमा पनि यसै समूहको हात रहेको अनुमान गरिएको छ ।

नयाँ वर्षको पूर्व सन्ध्यामा भएका दुई विष्फाेटन पनि आइएसले नै गरेको दाबी गरेको छ । मध्य बग्दादमा गत शनिबार भएको विष्फाेटनमा परी कम्तीमा २७ व्यक्तिको ज्यान गएकाे थियाे ।