ललितपुर क्षेत्र नं. २ प्रतिनिधि सभा उम्मेदवार (नेकपा एमाले)

चुनाव नजिकिँदै गर्दा तपाईंहरूको तयारी कुन प्रकारले अघि बढ्दै छ ?
आउँदो मंसिर १० र २१ गते हुने प्रतिनिधि सभा र प्रदेश सभाको चुनाव नजिकिँदै गर्दा हाम्रो तयारी पनि विस्तारै अघि बढ्दै गइरहेको छ । जसमा हाम्रो मुख्य तयारी भनेको जनतासमक्ष पुगेर जनताको मन जित्ने हो । सोही अनुरूप विभिन्न कार्यक्रमहरू बनाउँदै हामी अगाडि बढिरहेका छाैं । यत्तिबेला हामी अान्तरिक भेला र छलफल गर्न व्यस्त छाैं र मतदाताहरूसँग गहन अन्तरक्रिया गरिरहेका छाैं ।

चुनाव नजिकिएसँगै जनताले कस्तो खालको महशुस गरिरहेका छन् ?
आम जनताको मुख्य माग भनेकै जनताका लागि काम गर्ने, उनीहरूका समस्या समाधान गर्ने, महँगी र भ्रष्टाचार नियन्त्रण गर्ने र सुशासन दिने स्थायी सरकार हो । स्थायी सरकार नहुँदा योजनाहरू ठप्प भएका छन् । कैयौं कार्यान्वयन हुन नसक्दा जनता थप मारमा परिरहेका छन् । त्यसका लागि पनि सामान्य बहुमत नभई दुई तिहाई बहुमत आवश्यक भएको छ भने चुनाव नजिकिँदै गएसँगै जनतामा थप उत्साह बढेको हामीले देखेका छौं । मलार्इ के विश्वास छ भने यसपटक अाम नेपाली जनताले वाम गठबन्धनलार्इ अत्यधिक बहुमत दिने छन् । र ललितपुरमा हामी सबै स्थानमा वाम गठबन्धनले जित्ने कुरामा ढुक्क छाैं ।

हामीलाई मत मात्रै आवश्यक भएको हो त ?
कुरा यस्तो छ, मत सँगसँगै बहुमत पनि हुन्छ । बहुमत भएपछि सोचअनुरूप योजना र कार्यनीति अगाडि बढ्छ । अहिले योजना बन्छ, योजना कार्यान्वयन नहुँदै सरकार परिवर्तन हुन्छ । त्यसैले योजनालाई कार्यान्वयन गर्न र व्यावहारमा मूर्त रूपले उतार्न पनि बहुमत अत्यावश्यक छ।

निर्वाचन नजिकिएसँगै मतदाताकोमा मतका लागि धाउने कार्यक्रम रहेको होला, त्यस्तै निर्वाचन अगावै जनताको समस्यालाई खासै चासो देखाइएको पाइएन नि ?
हाम्रो पार्टी नेकपा एमालेले आमरूपमा देशभरकै समस्या पहिचान गरी समाधानको बाटो खोजिरहेको छ । योभन्दा अगाडि कांग्रेसको सरकार पटक–पटक हेरिसक्यौं र, अहिले पनि कांग्रेसकै सरकार छ तर, बहुमत प्राप्त भएकाे बेलामा पनि कांग्रेसकाे आन्तरिक कलहले सरकार स्थीर रहन सकेन । त्यसैले यसपटक वाम गठबन्धनसहित हामी अगाडि बढेका छौं । त्यसैले दुई तिहाई बहुमत हामी ल्याउँछौं भन्ने आशा छ र जनताको समस्यालाई बुझेका छाैं र सरकारमा गएपछि यी समस्याहरूकाे समाधान गर्नतिर हामी प्रतिबद्दताका साथ लाग्नेछाैं ।

वाम गठबन्धन सत्ता केन्द्रित मात्रै हाे कि केही नयाँ कुरा पनि छ ?
अहिलेको मुलुकको अवस्थालाई मध्यनजर गर्ने हो भने वाम गठबन्धन देशको लागि आवश्यकता छ । हामी वाम गठबन्धनसहित अगाडि बढ्दै गर्दा अरू दलहरूलाई पनि सँगै लाने प्रयत्न गर्ने छाैं । हाम्राे प्रयत्न सबै लाेकतान्त्रिक देशभक्त शक्तिहरूलार्इ समेटेर मुलुककाे समस्या समाधान गर्ने हुनेछ । त्यसकाे लागि हाम्रा अवधारणाहरूलार्इ हाम्राे घाेषणापत्रमा विस्तृत रूपले उल्लेख गरेका छाैं । सरकार बनेपछि घाेषणापत्रमा उल्लेखित कुराहरूलार्इ व्यावहारिक रूपमा कार्यान्वयन गरेर जनताकाे समस्या समाधान गर्नतिर लाग्नेछाैं ।

वाम गठबन्धनले पछिसम्मै निरन्तरता लिन्छ र ?
अवश्य पनि, यसमा कुनै दुई मत छैन, यसले पछिसम्मै निरन्तरता कायम गर्छ, त्यतिमात्र हाेइन निर्वाचनपछि देखि नै पार्टी एकताकाे लागि हाम्राे प्रयत्न अगाडि बढ्छ र  सम्भवतः एउटै पार्टी पनि बन्न सक्छ । यसको लागि चुनावलगत्तै यस विषयमा दुई पार्टीबीच छलफल हुनेछ ।

आसन्न प्रतिनिधि र प्रदेश सभाको चुनावले देशलाई कुन अवस्थामा पुर्‍याउँछ ?
नयाँ ढाँचामा जानका लागि र जनताको सेवा तथा देशलाई विकास उन्मुख बनाउनकै लागि चुनाव हुन गइरहेको छ । सम्भवतः हाम्रो पार्टीले निर्वाचनपछि मुलुकलार्इ नयाँ संरचनामा लैजान अगुवार्इ गर्नेछ र केन्द्रमा रहेका कतिपय अधिकारहरूलार्इ प्रदेश र स्थानीय निकायमा पुर्‍याउनेछ । अधिकारकाे विकेन्द्रिकरण हुनेछ । र कतिपय अधिकारहरूका साथै सेवाहरू समेत जनताले अाफ्नै घरदैलाेमा पाउने छन् ।

विश्वले नै वैकल्पिक बाटो खोज्ने गर्छ, कोही दक्षिणपन्थी विकल्प बनेका छन्, कुनै प्रगतिशील विकल्प ! हाम्रो देशको विकल्प साथै क्षेत्र नं. २ कता ढल्किन्छ ?
पक्कै पनि प्रगतिशील विकल्प नै जनताले रोज्ने छन् । जति पनि भएका समस्याहरूलाई पन्छाउँदै लाने उद्देश्यले नयाँ सोच नयाँ नीति लिएर हाम्रो गठबन्धन प्रगति उन्मुख हुनेछ । त्यसैले वाम गठबन्धनसँगै देशले नयाँ दिन देख्न पाउनेछ । नेपालकाे वैकल्पिक बाटाे दक्षिणपन्थ हाेइन प्रगतिशील दिशातिर नै उन्मुख हुनेछ । त्याे वैकल्पिक शक्ति भनेकाे अहिलेकाे वाम गठबन्धन नै हाे ।

प्राय माउ पार्टीहरूले पुरानै अनुहारलाई मात्रै निरन्तरता दिनुको कारण ?
यस्तो छैन । यसपटककाे निर्वाचनमा नेकपा एमालेले थुप्रै नयाँ अनुहारहारूलार्इ निर्वाचनमा उतारेकाे छ । पुरानै अनुभव पनि हामीलाई चाहिने हुन्छ । नयाँ पनि चाहिने हुन्छ । अहिले नयाँलाई पनि मौका दिएका छौं । पार्टीलाई गरेको योगदानलाई ध्यान दिएर हामीले नयाँ पुराना दुबैलाई उचित स्थान दिएका छौं ।

तपाईंको क्षेत्रभित्रको मुख्य चुनौतिहरू के–के छन् ?
विकासका कामहरू कछुवा गतिमा अघि बढ्नु मुख्य चुनौति हो । विकासकै सन्दर्भमा म स्वयम्ले २०५६ सालमा जुन काम सुरु गरेको थिए, अस्थीर सरकार भएकाले पूर्ण हुन सकेका छैनन् । अहिलेको मुख्य समस्या भनेको नै छिटाे छिटाे सरकार परिवर्तन र विकास कार्यमा ढिलाई रहेको छ । यो नै चुनौतिपूर्ण विषय बनेको छ । हरेक वर्ष बजेट अपुग भएकाले पनि काममा ढिलाई भइरहेको छ । समग्र रूपमा यस समस्यालाई हटाउन नै स्थीर सरकार जरुरी रहेकाे छ ।

भनेपछि, वाम गठबन्धन नै समस्याको समाधान हो त ?
अवश्य पनि । एकताबद्द भएर वामपन्थी शक्तिहरू अघि बढ्दा त्यसले समस्याकाे समाधान दिन सक्छ । हामीले माओवादी मात्र नभई यसअघि कांग्रेसलाई पनि सँगै लिएर अघि बढ्ने प्रयास गरेका थियौं । तर, केही कारणवश त्यो सफल हुन सकेन । अहिलेकाे हाम्राे एकता दीर्घकालीन उद्देश्य र कार्यक्रमहरूलार्इ ध्यानमा राखेर अगाडि बढेकाे छ । हामी लाेकतन्त्रलार्इ सुदृढ गर्दै घाेषणापत्रअनुसार जनताका समस्याहरू समाधान गर्न प्रतिबद्द छाैं । वाम गठबन्धनले सरकार बनाएपछि घाेषणापत्र कार्यान्वयन सुरु हुनेछ ।

हुन त नयाँ शक्ति पार्टी पनि जुटेको हो गठबन्धनमा, त्यसमा टुटफुट आइहाल्यो । साथै अरू पनि थुप्रै ठाउँमा गठबन्धन टुटेको खबर आइरहेको छ, के यो गठबन्धन सत्ताकै लागि मात्र हो ?
सानो तिनो समस्याहरू भइरहन्छ । त्यसकै कारणले मात्र यो गठबन्धन टुट्दैन । हामी गठबन्धनलार्इ सुदृढ बनाउँदै अघि बढ्ने छाैं र सबैको साझेदारीमा सबैसँग सर–सल्लाह गरी अघि बढ्ने हाम्रो योजना हो । सत्ताको लागि मात्र नभई हामी मुलुकमा नै नयाँ रूपान्तरणकाे गतिलार्इ अघि बढाउन लागि परेका छौं ।

अन्त्यमा आफ्ना मतदाताहरूलाई के सन्देश दिनुहुन्छ ?
वाम गठबन्धनको अरू विकल्प छैन । क्षेत्र नं. २ लाई विकास गर्न तथा नयाँ सोच र नयाँ पहलका साथ अघि बढ्नका लागि मलाई साथ दिएर भारी बहुमतका साथ विजयी गराई सेवा गर्ने मौका दिनु हुन सबै मतदाताहरूलाई विनम्र अनुरोध गर्दछु ।