एजेन्सी, चैत्र ७ ।
सिरियाको राजधानी दमास्कसको बाहिरी क्षेत्रमा सिरियाली सेना र विद्रोहीबीच भीषण संघर्ष भएको छ ।

विद्रोहीले शहरलाई घेरा हालेर आक्रमण शुरु गरेपछि राष्ट्रपति बसर अल असदका सेनाले कडा प्रतिकार गरेका छन् । सरकारी सेनामाथि आक्रमण गर्ने क्रममा विद्रोहीले जोवार जिल्लामा दुईवटा आत्मघाती कार बम विस्फोट गराएको अन्तर्राष्ट्रिय सञ्चारमाध्यमहरूले जनाएका छन् ।
sy
सरकारी सेनाको हवाई हमलामा परी धेरै जनाको मृत्यु भएको हुनसक्ने आशंका अधिकारीहरूले गरेका छन् । पछिल्लो दुई वर्षदेखि सिरियामा विद्रोहीले कब्जामा लिएको क्षेत्र नियन्त्रण गर्न सेनाले प्रयास जारी राखेको छ । यसैबीच पटकपटक संघर्ष हुँदै आएका छन् ।