नेपाल र भारतबीच तीन सम्झौता (भिडियोसहित)

प्रकाशित मिति: १९ पुष २०७३, मंगलवार ०३:३८


काठमाडौं, पुस १९ ।
छिमेकी राष्ट्र भारतको ४ दिने भ्रमणका लागि नयाँदिल्ली पुगेका प्रधानमन्त्री पुष्पकमल दाहालले भारतसँग तीन सम्झौता गरेका छन् । भारतीय प्रधानमन्त्री नरेन्द्र मोदीसँग भएको करिब एक घण्टा को वानटुवान कुराकानीपछि सो सम्झौता भएको जानकारी दिइएको छ । भेटपछि आयोजित संयुक्त पत्रकार सम्मेलनमा दिइएको जानकारीअनुसार पुराना सम्झौताहरूलाई नै निरन्तरता दिने सहमति भएको हो ।

जसअनुसार हुलाकी राजमार्गको प्रोजेक्ट म्यानेजमेन्ट र कन्सलट्यान्सी सर्भिसबारे पहिलो सम्झौता भएको छ भने भूकम्पपछिको पुनर्निर्माणका लागि सहुलियतपूर्ण ऋणबारे दोश्राे सम्झौता भएको छ । त्यस्तै नेपालमा गत वर्षको भूकम्पले पुर्‍याएको क्षति र त्यसपछिको पुनर्निर्माणका लागि भारतले सात सय ५० मिलियन डलर सहुलियतपूर्ण ऋण दिने समझदारी भएको जानकारी दिइएको छ ।


प्रतिक्रिया

ताजा खबर

More