एजेन्सी, चैत्र ९ ।
नाइजेरियाको मध्यभागस्थित कृषिमा आश्रित समुदाय बसोबास गर्ने बस्तीमा प्रवेश गरी एक बन्दुकधारीको समूहले आक्रमण गर्दा महिला र बालबालिकासहित १७ जनाको ज्यान गएको छ ।

पछिल्लो आक्रमण नाइजेरियामा पटक–पटक दोहोरिने गरेको चौपाया चरणका अधिकारका विषयलाई लिएर भएको बताइएको छ । नाइजेरियाको वेनु राज्यमा सोमबार भएको आक्रमणमा बन्दुकधारी मोटरसाइकल र कारमा आएर स्थानीय एक बजारमा अन्धाधुन्ध गोली चलाएका थिए भने स्थानीय केही घरहरूमा आगोसमेत लगाई दिएको प्रहरी प्रवक्ता मोजेज यमुले बताए ।

घटनामा ११ जना घाइते भएका थिए । उनीहरूको स्थानीय अस्पतालमा उपचार भइरहेको छ । स्थानीय उक्त घटनामा ३०–५० जनासम्मको ज्यान गएको जनाएका छन् । नाइजेरियाका राष्ट्रपति मुहम्मद बुहारीले मंगलबार एक विज्ञप्ति जारी गरी घटनाप्रति दुःख व्यक्त गर्दै मृतक आत्माको चीर शान्तिको कामना गर्दै उनले उक्त घटनाको कडा शब्दमा भत्र्सनासमेत गरे ।