नेकपा एमाले
वाम गठबन्धनबाट क्षेत्र नं. ६ प्रदेश सभा ‘क’ बाट उम्मेदवार

राजनीतिक क्षेत्रमा एक चर्चित व्यक्तिका रूपमा चिनिन्छ केशव स्थापित । यस पटक पुनः देश र जनताका लागि केहीँ गर्ने हिम्मतका साथ यस पटक नेकपा एमाले र नेकपा माअाेवादी केन्द्रबाट संयुक्त रूपमा क्षेत्र नं. ६ प्रदेश सभा ‘क’ बाट उम्मेदवार दिएका छन् । उहाँसँग लार्इभ अफ नेपालले गरेकाे विशेष अन्तर्वार्ताकाे सम्पादित अंश र विस्तृत भिडियाे हेर्नुहाेस् ।

सक्रिय समाजसेवीलाई राजनीतिमा आउने बाध्यता हो कि आवश्यकता ?
अब सक्रिय पनि हुने, नीतिमा दक्ष व्यक्ति पुगेन भने त्यो ठाउँको राजनीति कस्तो हुन्छ त ? दक्ष व्यक्ति सबै डाक्टर, इञ्जिनियर हुने अनि लफङ्गा जति राजनीतिमा आउने भएपछि देश कहाँ पुग्ने । योजना भएको सिर्जनाका धनी मान्छे राजनीतिमा आएपछि त बल्ल मुलुक समृद्धिको बाटोमा लम्किने हो नि । त्यसैले योगदान दिने बुझ्ने सक्रिय मान्छेहरू राजनीतिमा आएपछि त शुद्ध राजनीति हुने हो ।

एउटा समाजसेवीलाई सत्ता पनि आवश्यक होला नि त ?
अब सत्ता त आवश्यक हुने नै भयो । कुनै नीति नियम बुझ्ने व्यक्तिले लागू गरे त व्यावहारिक हुन्छ । बुझ्दै नबुझ्नेले नियम बनाएर केही हुन्छ ? अब राम्रो पथमा हिँड्न त सत्ता आवश्यक हुने नै भयो । अब आज त हामी नयाँ शक्ति भएर आएका छौं । टुक्रा टुक्राहरू मिलेर नयाँ ऊर्जा बनेका छौं । अब कुनै पार्टीले हामीलाई हराउन सक्दैन । देश बनाउने भएपछि सबै जना एक जुट हुन्छन् ।

वाम गठबन्धनले सैद्धान्तिक रूपमा लाभ हानी कसलाई छ ?
जनतालाई नै हो । देश विकास भएपछि लाभ सबैलाई हुन्छ । बहुमतको सरकार बनेपछि कार्ययोजनामा हस्तक्षेप आउदैन अनि सबैलाई लाभ हुन्छ । हाम्रो सिद्धान्त नै देश विकास हो । त्यहीँ भएर नै भएको हो वाम गठबन्धन ।

आफ्ना क्षेत्रका जनतालाई केही सन्देश ?
मेरा जनताहरूमा म एक परिचित व्यक्ति पनि हुँ । अब केशव आयो मेरो क्षेत्र बन्ने भो भनेर जनता ढुक्क हुन्छ । मैले गरिआएको कर्तव्य हो । देशलाई समृद्धिको बाटो देखाउने । राष्ट्र निर्माणमा हामी सबै एकजुट होऔँ ।