व्यवस्थापिका संसद्काे बैठक अाज पनि बस्दै नबसी छ दिनसम्मका लागि स्थगित गरिएको छ । संविधान संशोधनमा सत्तापक्ष र विपक्षको अडान कायमै रहेपछि संसद् बैठक पुस २४ गते अाइतबारसम्मको लागि स्थगित गरिएको हो ।

संसद् भवन नयाँ बानेश्वरमा बसेको कार्यव्यवस्था परामर्श समितिको बैठकमा कार्यसूचीमा सहमति नभएपछि पुस २४ गतेसम्मका लागि स्थगित भएको हो ।

दलहरूले अर्को बैठकसम्म सहमति खोजी सक्ने प्रतिबद्धता जनाएपछि अवरुद्ध हुने स्थिति नआओस् भनेर सूचना टाँसेर बैठक स्थगित गरिएको सभामुखका प्रेस सल्लाहकार बबिन शर्माले जानकारी दिएका छन् ।

एमालेसहितका विपक्षी दल एमालेले पुस २२ गते काठमाडौंमा जनप्रदर्शनको तयारी गरेकाले संसद् बैठक लामो समयसम्म स्थगित गरिएको हो ।