काठमाडौं, पुस १९ ।
प्रधानमन्त्री पुष्पकमल दाहालले राजनीतिक दलहरूबीच छिट्टै समझदारी हुने विश्वास व्यक्त गरेका छन् । उनले सरकार अहिले सबै पक्षलाई समेटेर निर्वाचन गराई राजनीतिक स्थिरता कायम गर्न लागिपरेको बताए ।

झापाको बनियानीमा आज प्रधानमन्त्री कृषि आधुनिकीकरण परियोजना कार्यक्रमअन्तर्गत धान खेतीको सुपरजोनको उद्घाटन गर्दै उनले आफू सदन खुलाउन सबै दलहरूसँग संवादमा जुटेको जानकारी दिए । उनले २०७४ माघ भित्र निर्वाचन गराउने लक्ष्यसहित आफू अघि बढेको बताए ।

कार्यक्रममा कांग्रेस नेता कृष्ण सिटौलाले सबै मिलेर अघि बढ्दा देश समृद्ध हुने बताउँदै त्यसको लागि प्रधानमन्त्रीलाई कांग्रेसले विश्वास गरेको बताए ।

यस्तै एमाले प्रमुख सचेतक भानुभक्त ढकालले माघ भित्र सरकारले तीनै तहको निर्वाचन हुने वतावरण गराउँछ भन्ने एमालेको अपेक्षा यथावत रहेको बताएका छन् ।