राजधानीलगायत देशभर न्यून तापमान, जनजीवन कष्टकर बन्दै

काठमाडौं, पुस २० ।
गएकाे केहीँ दिनदेखि राजधानीलगायत देशभर चिसो थप बढ्दै गइरहेको छ । न्यूनतम तापमान लगातार घट्दै गएका कारण देशभरकाे जनजीवन कष्टकर बन्दै गएको छ ।
जल तथा मौसम विज्ञान विभागले दिएकाे जानकारीअनुसार अाजकाे न्यूनतम तापमान २ डिग्री सेल्सियस रहेको छ । बुधबार न्यूनतम तापमान २ दशमलव २ डिग्री सेल्सियस रहेकाे थियो ।
अाज दिउँसोको अधिकतम् तापक्रम १६ देखि १८ डिग्री सेल्सियसबीच रहने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
देशका पूर्वी तथा पश्चिमी पहाडी क्षेत्रमा आंशिक बदली हुने र अन्य स्थानको मौसम सामान्यतः सफा रहने पूर्वानुमान गरिएको पनि महाशाखाले जनाएको छ ।
यसैबीच, तराई क्षेत्रका विभिन्न जिल्लामा शीतलहरका कारण विद्यालय बन्द गरिएको छ ।
प्रतिक्रिया