काठमाडौं, पुस २० ।
काठमाडौं उपत्यकाबासी सडक विस्तार पीडित संघर्ष समितिद्वारा आज सडक विस्तारविरुद्ध गरिएको उपत्यका बन्दको क्रममा काठमाडौं र कीर्तिपुरबाट करिब दुई दर्जनभन्दा बढी बन्दकर्ता पक्राउ गरिएको छ ।

कीर्तिपुरमा बन्दकर्ता र प्रहरीबीच वादविवाद हुँदा पत्रकार नजरराम महर्जनलगायत पक्राउ गरिएको छ भने काठमाडौंबाट सुमन साय्मि, पत्रकार सुरेन्द्रभक्त श्रेष्ठलगायत व्यक्तिहरू पक्राउ परेका छन् ।

बिहानसम्म सामान्य रहेको बन्दको प्रभाव अहिले आएर प्रभाव बढी पर्दै गएको छ । यता, राजधानीका विभिन्न स्थानमा बन्दकर्ताहरू र सुरक्षाकर्मीहरूको पनि बाक्लो उपस्थिति रहेको छ भने बिहान केही सवारी साधन गुडेको भए पनि अहिले निजी मोटरसाइकल बाहेक अरू सामान्य मात्र चलेका छन् ।