एजेन्सी, माघ ५ ।
जिन्दगीभर साथ दिने बाचा गरेर बिचमै आफ्नो जीवनसाथीले बाटो मोडिदिदाँ कस्तो सहसुस हुन्छ ? पक्कै पनि आफ्नो जिन्दगी रित्तिएको महसुस हुन्छ।

यस्तै वियोगमा फसेकी छिन् भारतमा एक महिला । आफ्ना श्रीमानले आफू हुँदाहुँदै अर्की श्रीमती बिहे गर्न लागेपछि एक महिला सहन नसकेर बिहेको पार्टीमै बञ्चरो बोकेर पुगिन् । ती महिलाले नवविवाहित बेहुलीमाथि आक्रमण गर्न लागेपछि हल्लाखल्ला भएको छ । ती महिलाले नवविवाहित बेहुलीमाथि कुटपिट गरिन् । बेहुलीले भागेर ज्यान बचाइन् ।
बिहेबाट भागेकी बेहुली प्रहरी चौकी पुगेर आफ्नो ज्यान बचाइदिन आग्रह गरिन् । प्रहरीले ती महिलाविरुद्ध उजुरी दर्ता गरेको छ ।

भारतको झारखंग राज्यको सुन्दरनगरको कदमडीहमा यो घटना भएको हो । यहाँका बीजेपी नेता सुबोध लोहारले ती महिलासँग २०१६ मै मन्दिरमा गोप्य बिहे गरेका थिए । मंगलबार ती दुईको सार्वजनिक रूपमा समाजका अगाडि बिहे भएको थियो ।

बुधबार यसैको भोज आयोजना गरिएको थियो । भोज चलिरहेका बेला सुबोधकी जेठी श्रमिती सुनिता कान्छी श्रीमती पूजामाथि बन्चरो लिएर जाइलागिन् । पहिले उनले त्यहाँ बजिरहेको म्युजिक बन्द गराइन् । त्यसपछि सौतामाथि कुटपिट गरिन् । हत्याको डरले पूजा पार्टी छोडेर प्रहरी चौकी पुगिन् ।

पूजाका अनुसार सुबोधले पहिले उनीसँग प्रेमको नाटक गरेर बिहेको बाचा गरेका थिए । पछि उनले बिहे गर्न अस्वीकार गरेपछि पूजाले महिला प्रहरीमा उजुरी दिएकी थिइन् । पछि सम्झौता भएपछि २६ जनवरी २०१६ मा उनीहरूको मन्दिरमा बिहे भएको थियो ।

बिहेपछि सुबोधकी जेठी श्रमिती सुनिता र परिवारले आफूलाई कुटपिट गर्न लागेको पूजाले बताइन् । कुटपिटका कारण आफ्नी बहिनीको घरमा बसिरहेकी पूजालाई सुबोधले आइतबार सबैका अगाडि बिहे गर्ने भन्दै ल्याएका थिए । सुबोधले त्यहीअनुसार समाजका अगाडि बिहे गरे पनि उनकी पत्नीले आफूलाई मार्ने प्रयास गरेको पूजाको आरोप छ ।