हामी चाहे नास्तिक हाेउन् वा अास्तिक । धर्मशास्त्रअनुसार हामी चल्ने गरेका छाैँ । कसैले यसलार्इ सामान्य रूपमा लिने गरेका छन् भने कसैले यसलार्इ नियमसंगत पालना गरी जीवनमा अघि बढ्ने गरेका छन् । याे कुरा कसैले खुला रूपमा भन्ने पनि गरेका छन् भने कसैले यसलार्इ गुपचुप राखेर भए पनि जीवनमा अघि बढ्ने गरेका कुरा हामीले सुन्ने गरेका छाैँ । तर, यहाँ हामीले प्रस्तुत गर्न लागेका कुरा पनि वास्तुशास्त्रसँग नै सम्बन्धित रहेकाे छ । वास्तुशास्त्रमा विश्वास गर्नेहरू घरमा केही कुरामा ध्यान दिने हो भने हरेक समय सुख, शान्ति प्राप्त हुने विश्वास गर्छन् ।

किनभने, घरमा रहेका हरेक वस्तुले सकारात्मक र नकारात्मक ऊर्जा प्रदान गरिरहेका हुन्छन् । घरमा नकारात्मकलाई निषेध गरेर सकारात्मक ऊर्जा जम्मा हुन दिएमा घरमा सुख, शान्ति हुने वास्तुशास्त्रको दाबी रहेकाे छ।

वास्तुशास्त्रअनुसार तपार्इंले यी अाठ कुरामा विशेष ध्यान दिुनुहाेस्, घरमा सधैँ सुख, शान्ति प्राप्त हुनेछ :

१. घरको छतमा पानी ट्याङ्की राख्ने चलन सबैतिर हुन्छ । तर, यस्तो ट्याङ्की छतको दक्षिण-पश्चिम दिशामा हुनु पर्ने वास्तुविद्हरूकाे भनार्इ छ। अन्य दिशामा भएको पानी ट्याङ्कीलार्इ अशुभ मानिन्छ।

२. घरको उत्तर दिशामा धातुका सिक्काले भरिएको कचौरा राख्दा शनिको प्रभावले घरमा सुख, शान्ति हुने मानिन्छ । उत्तर-दक्षिण दिशा घरको स्वामिको दिशा मानिन्छ।

३ . भान्सामा आगो र पानीको बीचमा केहीँ दूरी हुनु जरुरी छ । अग्नी तत्व र पानी तत्व आपसमा विरोधी मानिन्छन् । यसैले एक अर्काबाट टाढा राखिएमा सकारात्मक ऊर्जा पैदा हुन्छ।

४. घरमा सर-सफार्इ गर्दा पानीमा थोरै नुन मिसाएर गर्नुस् । यसो गर्दा घरमा सकारात्मक ऊर्जा जम्मा हुन्छ।

५. घरमा परिवारको तस्वीर राख्दा दक्षिण-पश्चिम दिशामा राख्नु शुभ मानिन्छ । यो दिशामा परिवारका सबै सदस्य भएको तस्वीर राख्दा घरमा प्रेम र सद्भाव बढ्छ।

६. घरमा कोठाको ढोकातिर पर्ने गरी खुट्टा राखेर सुत्नु हुँदैन । यो वास्तुशास्त्रकाे नियम विपरीत मानिन्छ।

७ . घरको सरसफार्इमा विशेष ध्यान दिनु पर्छ । घरमा फोहोर जम्मा हुँदा त्यसले नकारात्मक ऊर्जा पैदा गर्छ। र,

८. घरमा रहेको पूजा स्थल वा मन्दिरमा नियमित रूपमा देवी–देवताको तस्वीर वा मुर्तिमा पूजा गर्ने गर्नुस्, यसले वास्तु दोष नष्ट गरी दिन्छ र सकारात्मक ऊर्जा पैदा हुने गर्छ।