काठमाडौं, चैत्र १७ ।
सामसुङ कम्पनीले आफ्नो नयाँ फोन ग्यालेक्सी एस ८ र एस ८ प्लस सार्वजनिक गरेको छ । यसबाट होम बटन हटाइएको छ र एक नयाँ भर्चुअल असिस्टेन्ट भने थप गरिएको छ ।

‘ग्यालेक्सी नोट ७’ मा आएको खराबीका कारण ठूलो घाटा ब्यहोरेकाले त्यसलाई प्रतिस्थापन गर्न अत्याधुनिक सुविधासहित नयाँ मोडल ‘ग्यालेक्सी एस ८’ र ‘एस ८ प्लस’ सार्वजनिक गरेको हो ।

संसारकै शक्तिशाली १० एनएम मोबाइल चिपसेट जडान गरिएको एन्ड्रोइड ७ भर्सनको अत्याधुनिक सुविधासहित नयाँ मोबाइल कम्पनीका उपाध्यक्ष रोर्रे ओनिलले सार्वजनिक गरेका हुन् ।

उनले नयाँ मोडलको फोन बनाउन करिब ३११ अर्ब रुपैयाँ (३ अर्ब अमेरिकी डलर) खर्च गरेको उल्लेख गरेका छन् ।

यसका विशेषताहरू :

ग्यालेक्सी एस ८ को स्क्रिन साइज ५.८ इन्च (१४.७ सेन्टिमिटर) र एस ८ प्लसको स्क्रिन साइज ६.२ इन्च (१५.७ सेन्टिमिटर) रहेको छ ।

कम्पनीले ‘आइफोन ७’ कै आकारको डिस्प्लेमा आँखा, अनुहार र औँलाले ‘अनलक’ गर्न सकिने अत्याधुनिक विशेषतासहित परिमार्जित गरी नयाँ मोडल सार्वजनिक गरेकोे हो ।

दुबै फोनमा प्रयोकर्ताको आँखाबाट फोन खुल्न सकिने र व्यक्तिगत बटमसहितको विशेषता रहेको छ ।

यी दुबै फोनको डिस्प्ले घुमाउरो धार भएकोले चारैपट्टीबाट आँखाको सहायताले अनलक गर्न सकिनेछ । यस डिस्प्लेले उच्च गुणस्तरको भिडियोसमेत सपोर्ट गर्नेछ ।

यी दुबै फोनलाई ३० मिनेटसम्म १.५ मिटर अर्थात् पाँच फिट गहिराइमा पानीमा राख्दा पनि असर नगर्ने कम्पनीको दाबी छ ।

डिस्प्लेमा सजिलै फिंगर स्क्यान गरी फोन लक–अनलक गर्न सकिने र फोनले प्रयोगकर्ताको अनुहारसमेत पहिचान गर्नसक्ने भएकोले सुरक्षित र गोप्यतासमेत कायम हुने कम्पनीको भनाई छ । यदि प्रयोगकर्ताले आफ्नो व्यक्तिगत होम बटम हराए उनीहरूले डिस्प्लेको भित्र छुट्टै जडान गरिएको होम बटम सक्रिय गरेर प्रयोग गर्न सक्नेछन् ।

यदि दुई ओटा फोनको एउटै अनलक प्याट्रन छ तर आँखा स्क्यान गर्दा मेल खाएन भने फोन नखुल्ने कम्पनीले उल्लेख गरेको हो ।
दुबै फोनको अगाडिको क्यामेरा १२ मेगापिक्सल र पछाडि ८ मेगापिक्सलको रहेको छ ।

फोनले प्रत्येक पटकमा तीन ओटा फोटो खिच्नेछ । अघिल्लो वर्ष लञ्च गरिएको फोनको तुलनामा यो पटक धेरै सुधार गरिएको छ । दुबै फोनमा ४ जीबी र्‍याम र आन्तरिक मेमोरी ६४ जीबी रहेको छ भने दुबै फोनले २५६ जीबी बाह्य मेमोरी कार्ड सपोर्ट गर्छ ।

एस ८ मा ब्याट्रीको क्षमता ३००० एमएएच रहेको छ भने एस ८ प्लसमा ३५०० एमएएच रहेको छ, जुन निरन्तर १२ घण्टासम्म चलाउन सकिन्छ ।
यस फोनलाई कम्प्यूटरसँग जोडेर किबोर्ड, माउस र वेबक्यामको सट्टा प्रयोग गर्न सकिने विशेषता रहेकोे कम्पनीले उल्लेख गरेको छ ।

दुबै फोनमा एक्र्सनस अक्टा कोर २.३ प्लस १.७ गिगाहर्ज क्वार्ड १० एनएम एसओसी प्रोसेसर प्रयोग गरिएको छ । कम्पनीकाअनुसार दुबै फोनको तौल १५५ ग्राम रहेको छ । कम्पनीले बिहीबार (आज)देखि प्रीअर्डर सुरु गरेर आगामी अप्रिलसम्म बजारमा पठाउने उल्लेख गरेको छ ।

विभिन्न रङहरू कालो, खैरो, सेतो, सिल्भरमा उपलब्ध हुने फोनको अन्तर्रा्ष्ट्रिय बजार मूल्य एस ८ को करिब ७७ हजार ८ सय ९८ रुपैयाँ (७५० अमेरिकी डलर) र एस ८ प्लसको करिब ८८ हजार २ सय ८४ रुपैयाँ (८५० अमेरिकी डलर) राखिएको छ ।