एजेन्सी, चैत्र २१ ।
कोही कसैको माग यदि सम्बन्धित निकायले समयमा पूरा नगरेको खण्डमा उनीहरूले माग पूरा गराउन विभिन्न किसिमका कार्यक्रमहरू अघि सार्दै आफ्ना मागहरू पूरा गर्न दबाब दिने गर्छन् । कसैले चक्का जाम, कसैले विरोध ¥याली त कसैले बन्द गर्दै आफ्ना मागहरू सम्बोधन गराउन दबाब दिने गर्छन् ।

तर, भारतको नयाँ दिल्लीस्थित तामिल नाडुका किसानहरूले आधा कपाल खौरेर विरोध गर्दै सरकारको ध्यानाकर्षण गराएका छन् । उनीहरूले कपाल, दाह्री र जुँगा आधा खौरेर विरोधमा उत्रिएका हुन् । यो वर्ष भारतको तामिल नाडु क्षेत्रमा खडेरी परेको थियो ।

सो खडेरीका कारण उनीहरू दुःखमा जिउन बाध्यपछि भारत सरकारले आफूहरूलाई सहयोग गर्नुपर्छ भन्दै सो क्षेत्रका किसानहरू केही सातादेखि आन्दोलित छन् । उनीहरूले भारतको राजधानी नयाँ दिल्लीस्थित जन्तरमन्तरमा आफ्ना मागहरू तेस्र्याउँदै आन्दोलन गर्दै आइरहेका छन् ।

यति मात्र नभई उनीहरूले आन्दोलनको स्वरूपसमेत परिवर्तन गर्दै अनौठा शैलीहरू पनि अपनाएका छन् । आन्दोलनमा सहभागी किसानहरूले केही दिनदेखि मानवको खप्पर बोकेर, मुसा र सर्पको मासु खाएर सांकेतिक विरोधसमेत गरेका छन् ।
खडेरीका कारण त्यस क्षेत्रमा केही उत्पादन नभएको र ती किसानहरूले मुसा र सर्पको मासु समेत खान बाध्य भएको उनीहरूको गुनासो रहेको छ ।