काठमाडौं, चैत्र २३ ।
नेपाल उद्योग बाणिज्य महासंघमा चुनावका लागि वरिष्ठ उपाध्यक्ष शेखर गोल्छासहितको प्यानलको उम्मेदवारी घोषणा भएको छ ।

यसअघि, बुटवलमा नै उम्मेदवार घोषणा गरेको गोल्छा समूहले मंगलबार राजधानीको अन्नपूर्ण होटेलमा एक कार्यक्रमको आयोजना गर्दै पुनः उम्मेदवारी घोषणा गरेको हो ।

शेखर गोल्छा समूहले उम्मेदवारी दर्ता गरेपछि काठमाडौंबाट प्यानलको घोषणा गरेको हो । गोल्छाको प्यानलबाट एशोसिएटमा उपाध्यक्ष बनेको चन्द्र ढकाल निर्विरोध निर्वाचित हुने देखिएको छ । गोल्छाको समूहबाट जिल्ला तथा नगरको उपाध्यक्षमा दिनेश श्रेष्ठ तथा वस्तुगतको उपाध्यक्षमा उमेशलाल श्रेष्ठ रहेका छन् । कोषाध्यक्षको उम्मेदवार ज्ञानेन्द्रलाल प्रधान रहेका छन् । गोल्छाको प्यानललाई ४० जिल्ला तथा नगर उद्योग बाणिज्य संघको समर्थन रहने देखिएको छ ।

शेखर गोल्छाको प्यानल घोषणा कार्यक्रममा राणाबाहेक अहिलेका अध्यक्ष पशुपति मुरारकासहित पूर्वअध्यक्षहरू चण्डी ढकाल, रविभक्त श्रेष्ठ र प्रदीपकुमार श्रेष्ठलगायत उपस्थित रहेका थिए ।