ललितपुर, चैत्र २७ ।
करुणाकी देवी (करुणामय) अर्थात रातो मच्छिन्द्रनाथको रथको पाँग्रा बनाउने काम सम्पन्न भएको छ ।

१२ वर्षमा एक पटक मात्र बनाउने चलन रहेको मच्छिन्द्रनाथको पाँग्रा जीर्ण अवस्थामा भएका कारण २०७० सालमा बनाएको थियो । दुई वर्ष पनि नटिकेपछि उक्त पाँग्रा पुनः यो वर्ष पनि बनाउनु परेको हो ।

रातो मच्छिन्द्रनाथको चार वटै पाँग्रा बनाउने काम शनिबार सम्पन्न भएको थियो । उक्त पाँग्रामा बाराही समूहद्वारा पूजाआजा गरी बत्ती बालेर समापन गरिएको थियो ।

सो समापन कार्यक्रम ललितपुरको इही बहिलको पछाडी ठाउँमा भएको हो ।