एजेन्सी, चैत्र २९ ।
प्राय मानिस दिनमा एक पटक वा हप्तामा एक पटक अनिवार्य रूपमा नुहाउने गर्छन् । हप्तामा एक पटक ननुहाउँदा कस्तो असजिलो र अप्ठ्यारो लाग्छ भन्ने कुरा प्राय मानिसले अनुभव गरेकै हुनुपर्छ ।

तर, हामी यहाँ चर्चा गर्दैछौं । जो मानिस दिन, हप्ता, महिना मात्र होइन पूरै एक वर्षमा एक पटक मात्र स्नान गर्ने गर्छन् । उनी हुन् बेलायतका योग गुरु स्टअर्ट गिलक्रिस्ट । जो आफ्नो कपाल वर्षमा एक पटक मात्र समुद्रको पानीले नुहाउँछन् । जसले गर्दा उनको कपालबाट एकदमै गन्ध आउँछ तर पनि उनले योग सिकाउने कामलाई निरन्तरता दिँदै आएका छन् ।

बेलायतका राजकुमार विलियमको साली पिप्पा मिडलटन पनि उनको योग कक्षामा सामेल हुने गरेकी छन् । त्यसपछि बेलायतका मोडल कैट काईले र अमेरिकी नायिका तारा वुडी हर्लेरसन समेत योग सिक्न उनी कहाँ पुग्ने गरेकी छन् ।

योग गुरु गिलक्रिस्टको विश्वमा करिब ७० वटा देशहरूमा योग कक्षा सञ्चालन हुने गरेको छ । उनले योगाका सेशन बुद्धिमानी कक्षाहरू सिकाउनका लागि ५० जना शिक्षक तयार पारेका छन् । उनले एउटा योगा सेशनको १६ पाउण्ड अर्थात नेपाली रुपैयाँ लगभग २०५० रुपैयाँ शुल्क लिने गर्छन् ।

इन्टरनेटमा उनले योगा सिकाउँदै गरेको फोटोअनुसार उनको यस योग कक्षामा धेरै मात्रामा महिला सहभागी रहेको देख्न सकिन्छ । उनले सिकाउँदै गरेको योगालाई धेरै मानिसले आपत्तिसमेत जनाएका छन् । तर, पनि उनले भनेका छन् उनको कक्षामा केटाभन्दा केटी संख्या बढी छ किनकी केटीहरूले आफ्नो शरीरलाई सधैँ फिट राख्न चाहन्छन् ।

एक अंग्रेजी समाचार च्यानलमा दिएको अन्तर्वार्ताअनुसार उनको पहिलो पेशा योग नभईकन वकिल रहेको थियो । उनले करिब पाँच वर्ष वकालत पनि गरेका थिए । यसैबीच, उनले योगामा धेरै चासो राख्न थाले त्यसपछि उनी योग गुरु हुन पुगेका थिए । उनले मानिस जीवनमा सुख र स्वस्थ रहिरहनका लागि सामाजिक सुधारको काम गर्नुपर्छ धारणासमेत राखेका छन् ।