सप्तरी, चैत्र ३१ ।
सेभ द चिल्ड्रेनको सहयोगमा सेभ द सप्तरीले सञ्चालन गरेको तीन दिने सकारात्मक व्यवहार/अनुशासन नामक तालिम सम्पन्न भएको छ ।
तालिममा २२ जना शिक्षकको सहभागीमा शिक्षक र विद्यार्थीको सम्बन्ध, अनुशासन, नैतिक र चारित्रिक सुधार जस्ता विषयमा जानकारी दिइएको थियो भने तालिमको उद्घाटन सप्तरीका जिल्ला शिक्षा अधिकारी डोलराज पाण्डेले गरेका थिए ।

विद्यालय निरीक्षक दीपकुमार यादव, राससका अञ्चल प्रमुख सुरेश झा, सेभ द सप्तरीका अध्यक्ष ध्रुव देव, फोकल पर्सन नरेन्द्र यादव र कार्यक्रम संयोजक गोपालप्रसाद चौधरीलगायतका वक्ताले मानव कल्याण एवं आपसी भाइचाराका लागि अनुशासन अपरिहार्य रहेको विचार विचार व्यक्त गरेका थिए ।

सो कार्यक्रममा जिल्ला शिक्षा कार्यालयका स्रोत व्यक्ति द्वय देवकुमार यादव र क्षत्रनारायण यादवले प्रशिक्षण दिएका थिए ।