एजेन्सी, माघ ५ ।
मेक्सिकोमा इन्धनको पाइपलाइनमा विष्फाेट हुँदा कम्तिमा २१ जनाको मृत्यु गएको छ । घटनामा ७१ जना घाइते भएका छन् । मेक्सिकोको मध्य क्षेत्रको राज्य हाइडाल्गोमा सरकारी तेल कम्पनी पेमेक्सको पाइप लाइनमा विष्फाेट भएको हो ।

पाइपलाइन चुहिएपछि तेल लिन स्थानीय बासिन्दा पुगेका बेला आगो सल्किएर विष्फाेट भएको हाइडाल्गोका गभर्नर ओमार फायदले बताए । दुर्घटनामा घाइते भएकाहरूको स्थानीय अस्पतालमा उपचार जारी रहेकाे बताइएकाे छ ।

राज्य सरकारले पीडितहरूलाई राहत दिने प्रतिबद्धता जनाएको छ । इन्धन चुहिनुको कारण भने स्पष्ट भएकाे छैन । अनुसन्धान जारी रहेकाे जनाएकाे छ ।