काठमाडौं, बैशाख ८ ।
सन् २०१८ मा हुने एएफसी यू–१९ च्याम्पियनशीपको क्वालिफाइड समूहको खेलका लागि आज एक कार्यक्रम गरी समूह विभाजन गरिएको छ ।समूह ‘ए’ अन्तर्गत नेपालसहित कीर्गिस्तान, बहराईन, यूएई र ओमान रहेको छ ।

एएफसी यू–१९ च्याम्पियनशीप क्वालिफाइड समूह चरणको खेल यहीँ अक्टोबर ३१ देखि नोभेम्बर ८ सम्म हुने भएको छ । ४३ राष्ट्रले उक्त क्वालिफाइड खेलमा सहभागी हुनेछ । जसबाट १० समूह बिजेता, पाँच बेष्ट फस्ट रनर अप र आयोजक टीमहरूले क्वालिफाइड खेल खेल्नेछ ।

एएफसी यू–१९ च्याम्पियनशीपको ४० औँ संस्करणको खेल इण्डोनेशियामा हुने भएको छ भने सो खेलबाट उत्कृष्ट चार टीम एएफसीलाई प्रतिनिधित्व गर्दै सन् २०१९ मा हुने फिफा यू–२० विश्वकप खेल खेल्न पाउने छन् ।