काठमाडौं, असोज ३० ।
विश्वकप छनोट खेल्न करिब दुई साता बढी देश बाहिर रहेको नेपाली राष्ट्रिय फुटबल टोली आज स्वदेश फर्कदैछ । छनोटको अवे खेल खेल्न अष्ट्रेलिया र जोर्डन पुगेको नेपाली टिम आज साँझ साढे ६ बजे नेपाल आईपुग्ने अखिल नेपाल फुटबल संघ एन्फाले जनाएको छ ।

एक साता अघि अष्ट्रेलियासँग प्रतिस्पर्धा गरेर नेपाली टोली जोर्डन पुगेको थियो । नेपाली टिमले अष्ट्रेलियासँग ५–० र जोर्डनसंग ३–० को हार ब्यहोरेको थियो । अष्ट्रेलिया र जोर्डनसंगै नेपालले विश्वकप छनोटको अवे खेल सम्पन्न गरेको छ ।

नेपालले समुह चरणका बाँकी खेल अब घरेलु मैदान दशरथ रंगशालामा खेलाउनेछ । छनोटको पहिलो खेलमा कुवेतसंग ७–० ले हारेको नेपालले चाईनिज ताईपेलाई २–० ले पराजित गरेको थियो ।

छनोटको समूह ुबीु मा रहेको नेपालले ४ खेलमा ३ अंक जोडेको छ । नेपाल समूहको चौंथो स्थानमा छ । यस समूहमा ३ खेलमा अपराजित अष्ट्रेलिया ३ खेलमा ९ अंक जोडेर शीर्ष स्थानमा रहेको छ ।