काठमाडाैं, कार्तिक ५ ।
मित्रराष्ट्र चीनको उहानमा सञ्चालन भइरहेको सातौँ विश्व सैनिक गृष्मकालीन खेलकुद प्रतियोगितामा नेपाली सेनाकी तुलसा खत्रीले आज ट्राय्क एण्ड फाइल्ड (Track and Field) अन्तर्गत सञ्चालन भएको महिलातर्फको ४०० मिटर दौडमा राष्ट्रिय किर्तिमान राख्‍न सफल भएकी छन् ।

उनले उक्त दूरी ५९.५७ सेकेण्डमा पूरा गरी याेभन्दा अगाडिकाे ५९.०० सेकेण्डको राष्ट्रिय रेकर्ड तोडेकी थिइन् । तुलसा खत्रीले ९ वर्ष अगाडि अर्थात सन् २०१० मा प्रमिला रिजालले राखेको रेकर्ड तोडेकी हुन् । उक्त दौडमा २१ देशका प्रतिस्पर्धीहरूले सहभागिता जनाएका थिए ।

यसैगरी आजै सञ्चालन भएको महिलातर्फको १०० मिटर दौडमा नेपाली सेनाकी सरस्वती चौधरीले १२.६६ सेकेण्डमा उक्त दूरी पूरा गरी आफ्नो व्यक्तिगत रेकर्डमा सुधार गरेकी छ् । उक्त दौडमा २६ देशका खेलाडीहरूले सहभागिता जनाएकी थिइन् ।

उक्त प्रतियोगितामा आजै दौडसहित विच भलिबल, आर्चरी र महिला बक्सिङ्ग गरी चार खेल सम्पन्न भएको छ ।