ललितपुर, कार्तिक २८ ।
अल्का अस्पतालले आज विश्व मधुमेह दिवसकाे अवसर पारेर निःशुल्क स्वास्थ्य शिविरकाे आयोजना गरिएको छ ।

बिहान साढे ९ बजेबाट सुरु भएकाे निःशुल्क स्वास्थ्य शिविर अपरान्ह ४ बजेसम्म चल्नेछ । अस्पताल र काठमाडौं डाइबेटिज एण्ड थाइराइड सेन्टरको संयुक्त आयोजनामा शिविरकाे आयाेजना गरिएकाे हाे ।

शिविरको मुख्य विशेषता भनेको र्‍याण्डम ब्लड सुगर, एचबिएवान सी, सात दिनदेखि १० दिनसम्मका लागि निःशुल्क औषधी वितरण र २८ दिनभित्र एक पटक निःशुल्क फ्लोअप रहेकाे छ ।

शिविर आयोजना अघि अल्का अस्पतालले सचेतनामुलक र्‍याली निकालिएकाे थियाे । र्‍याली अल्का अस्पतालबाट जावलाखेल चोक हुँदै कुमारीपाटी, लगनखेल, मंगलबजार, पुल्चोक हुँदै पुनः अस्पताल परिसरमा नै पुगेर टुंगिएको हाे ।

मधुमेह कसरी थाहा पाउने
वरिष्ठ चिकित्सक अंशुमाली जोशी
-खाना रुचेर पनि तौल घट्दै जाने ।

-पिसाब सामान्य भन्दा धेरै पटक लाग्ने ।

-मुख सुख्खा हुने, प्यास धेरै लाग्ने ।

-भोक बढी लाग्ने तर दुब्लाउँदै जाने ।

-कमजोरी हुने र खुट्टाहरू झम्झमाउने ।

-खुट्टाहरू पोल्ने ।

-पिसाबमा कमिलाहरू देखिने ।

-घाउहरू छिटो निको नहुने ।

कसरी बच्ने
-हरेक स्वस्थ मानिसले वर्षमा एक पटक मधुमेहको जाँच गराउने।

-मधुमेहकाे बिरामीले खानपान र जीवनशैलीमा गर्नुपर्ने सुधार गर्ने।

-सामान्य खानपान अपनाउनु राम्रो । क्यालोरी भएको चिज अर्थात भात, मैदा, आलु, गुलियो चिल्लो फ्याट बढी हुने चिजहरूको कम सेवन गर्नु राम्रो ।

-व्यायाम नियमित गर्ने। ब्याडमिन्टनलगायतका अन्य खेल खेल्ने।

– दिनमा कम्तिमा आधा घण्टा हिँड्ने ।