युराेकप छनाैट फुटबलमा स्पेनकाे सुखद् अन्त्य

काठमाडाैं, मंसिर ३ ।
जारी रहेकाे युरोकप छनाैट फुटबलमा स्पेनले सुखद् अन्त्य गरेको छ । गएराति भएको छनाैटको अन्तिम प्रतिस्पर्धात्मक खेलमा स्पेनले रोमानियामाथि ५ विरुद्ध शून्य गाेलको फराकिलो जित निकालेको हो ।
घरेलु टोलीको जितमा जेरार्ड मोरेनोले २ तथा फावियान र मिकेल ओयारजावालले समान १-१ गोल गरेका थिए भने एक गोल भने उपहार स्वरूप पाएको थियो ।
खेलको आठौँ मिनेटमा फावियनको गोलबाट स्पेनले सुरुवाती अग्रता लिएको थियो । ३३ औँ मिनेटमा जेरार्ड मोरेनोले गोल गर्दै स्पेनको अग्रता दोब्बर बनाए ।
मोरेनोले ४३ औँ मिनेटमा व्यक्तिगत दोश्राे गोल गरेपछि स्पेन ३ विरुद्ध शून्यले अघि बढ्यो । पहिलो हाफको इञ्जुरी समयमा रोमानियाका एड्रियन रसले आत्मघाती गोल गरेपछि स्पेनले पहिलो हाफमै ४ विरुद्ध शून्य गालेको फराकिलो अग्रता लियो ।
दोश्राे हाफको इञ्जुरी समयमा थप गरिएको दोश्राे मिनेटमा मिकेलले गोल गर्दै स्पेनलाई ५ विरुद्ध शून्य गाेलको शानदार जित दिलाउन सफल भए ।
समूह ‘एफ’ अन्तर्गत छनाैटमा स्पेनले १० खेलबाट २६ अंक जोड्दै शीर्ष स्थानमा रहेकाे छ । रोमानिया १४ अंकसहित चौथो स्थानमा रहेकाे छ ।
प्रतिक्रिया