गुल्मी, मंसिर ५ ।
नव शिशिर युवा क्लबको आयोजनामा यहीँ मंसिर १५ गतेदेखि १७ गतेसम्म तीन दिने भलिबल प्रतियोगिता तथा साँस्कृतिक कार्यक्रमको आयोजना गरिने भएको छ ।

सत्यवती गाउँपालिका–१ अस्लेवा गुल्मी पधेराडाँडामा कार्यक्रमको आयोजक गरिने संस्थाका अध्यक्ष खिमलाल पाण्डेले जानकारी दिएका छन् ।

उक्त प्रतियोगितामा प्रथम हुने टीमले रु. ४०,०००/– नगदसहित ट्रफी, मेडल र प्रमाण–पत्र प्राप्त गर्ने छन् भने दोश्रो हुनेले रु. २५,०००/– नगदसहित मेडल र प्रमाण–पत्र प्राप्त गर्ने छन् भने तेश्रो हुने टीमले रु. १५०००/– नगदसहित मेडल र प्रमाण–पत्र प्राप्त गर्न सकिने आयोजक जारी गरेको प्रेस विज्ञप्तिमा उल्लेख गरिएको छ ।

कार्यक्रममा गायिका दिला वि.क., गायक बलचन्द्र बराल, हाँस्यकलाकार अनिल विश्वकर्मालगायतले स्थानीय कलाकारहरूको बेजोड प्रस्तुती रहने आयोजकले जनाएको छ ।