पाकिस्तानलाई हराउँदै नेपालले कराँते महिला टीम कातामा दाेश्राे स्वर्ण जित्न सफल

काठमाडाैं, मंसिर १६ ।
काठमाडाैंमा जारी रहेकाे १३ औँ सागअन्तर्गत कराँतेको महिला टीम कातामा नेपालले स्वर्ण जित्न सफल भएकाे छ । नेपालले पाकिस्तानलाई पछि पार्दै स्वर्ण जितेको हो ।
आज भएको खेलमा पाकिस्तानलाई पछि पार्दै नेपाल साे उपाधि जित्न सफल भएको हो । फाइनलमा नेपालले २४.८८ अंक तथा पाकिस्तानले २३.३ अंक जोड्न सफल भएकाे छ ।
जारी सागमा कातामा यो नेपालकाे लागि दोश्राे स्वर्ण हो । यसअघि मन्डेकाजी श्रेष्ठले पुरुष एकल कातामा स्वर्ण जितेको थियो । कातामा महिला टीम कातामा निर्मला तामाङ, संगिता मगर र सरु कार्की रहेकी छन् ।
जारी यस साग खेलकुदमा नेपालले ५० स्वर्ण जित्ने लक्ष्य राखेकाे छ ।
प्रतिक्रिया