काठमाडाैं, मंसिर १६ ।
मंसिर १५ गतेदेखि २४ गतेसम्म जारी रहने १३ औँ दक्षिण एशियाली खेलकुद प्रतियाेगिता (साग)अन्तर्गत ललितपुरस्थित कराँते मुख्यालयमा आज भएकाे खेलमा नेपालले पुनः अर्को एक स्वर्ण थप्न सफल भएकाे छ ।

पुरुष कराँतेअन्तर्गत ८४ केजी तौल समूहमा नेपालका विप्लवलाल श्रेष्ठले स्वर्ण पदक जितेसँगै नेपालकाे पदक संख्या १० पुगेकाे छ । उनले पाकिस्तानका मुहमद बाजलाई पराजित गर्दै स्वर्ण पदक जितेका हुन् । संघर्षपूर्ण प्रतिस्पर्धामा श्रेष्ठले ६ अंक बटुलेका छन् भने मुहमदले ५ अंक बटुलेका थिए ।

यसअघि श्रेष्ठले सेमिफाइलनमा श्रीलङ्काका गमरालालजीलाई १/० अंकले पराजित गरेका थिए । श्रेष्ठको यो जितसहित कराँतेमा नेपालले पाँच स्वर्ण र २ रजत पदक जित्न सफल भएको छ ।

समग्रमा नेपालले खेल सुरु भएको दोश्राे दिनको अहिलेसम्मको खेलमा स्वर्ण पदक १०, रजत पदक ३ र काँश्य पदक १ जित्न सफल भएको छ ।