काठमाडौं, मंसिर १७ ।
जारी रहेको १३ औँ दक्षिण एशियाली खेलकुद (साग) प्रतियोगिताअन्तर्गत आज भएको उसुको थाउलुतर्फ थानछ्वानमा विजय सिञ्जालीले नेपाललाई थप एक स्वर्ण दिलाउन सफल भएका छन् ।

उनले ९ दशमलव ४८ अंक प्राप्त गर्दै स्वर्ण पदक हात पारेका हुन् । उनले १२ औँ सागमा रजत पदक जितेका थिए ।

यो खेलमा बंगलादेशका खेलाडीले ९ दशमलव ३४ श्रीलंका र भारतका खेलाडीले समान ९ दशमलव १४ अंक र पाकिस्तानी खेलाडीले ७ दशमलव ३१ अंक प्राप्त गरेका छन् ।

आज भएको उसुतर्फको यो पहिलो प्रतिस्पर्धा हो । नेपालले सोमबार कराँते र तेक्वान्दोमा उत्कृष्ट खेल प्रदर्शन गर्दै एकै दिनमा १५ स्वर्ण पदक जिजेको थियो ।