काठमाडाैं, मंसिर १७ ।
काठमाडाैं जारी रहेकाे दक्षिण एशियाली खेलकुद प्रतियोगिता (साग) को १३ औँ खेलमा आज काठमाडाैंकाे दशरथ रङ्गशालामा भएकाे पुरुष फुटबलमा भुटानविरुद्ध नेपालले शानदार जित दर्ता गरेकाे छ । आजकाे खेलमा नेपालले ४ विरुद्ध शून्य गोल गर्दै भुटानलाई पराजित गरेको हो ।

खेलको पाँचौँ मिनेटमा नै सुजल श्रेष्ठले पहिलो गोल गर्दै नेपाललाई अग्रता दिलाएका थिए । त्यस्तै, खेलको दोश्राे हाफको ५० औँ मिनेटमा सुजल श्रेष्ठ आफैले दोश्राे गोल गर्दै २ विरुद्ध शून्य गाेलले अग्रता दिलाए ।

त्यस्तै, खेलको ५५ औँ मिनेटमा अभिषेक रिजालले अर्को गोल गर्न सफल बने भने मिञ्चेन तामाङले ७६ औँ मिनेटमा निर्णायक गोल गरेसँगै नेपालले ४ विरुद्ध शून्य गाेलको शानदार जित निकालेको हो ।

पहिलो खेलमा बंगलादेशलाई हराएको भुटानले भने गोल गर्न असफल भयो ।