काठमाडौं, मंसिर १७ ।
नेपालमा जारी रहेको १३ औँ दक्षिण एशियाली खेलकुद (साग) प्रतियोगिताअन्तर्गत आज दिउँसो भएको कराँते प्रतियोगितामा नेपालकी काजल श्रेष्ठले पाकिस्तानी खेलाडीलाई हराउँदै स्वर्ण पदक जितेकी छन् । योसँगै नेपालको स्वर्ण संख्या २२ पुगेको छ भने नेपाल स्वर्ण पदक तालिकाको अग्रस्तानमा नै कायम रहेको छ ।

श्रेष्ठले ४६ केजी तौल समूहमा पाकिस्तानी खेलाडीलाई पराजित गर्दै उक्त स्वर्ण हात पारेकी थिइन् ।