काठमाडौं, मंसिर १८ ।
नेपालमा भइरहेको १३ औँ दक्षिण एशियाली खेलकुद (साग)को आज चौथो दिन अहिलेसम्म नेपालले २७ स्वर्ण जितेको छ । सागअन्तर्गत आज भएको साइक्लिङ डाउनहिलमा नेपालले दुई स्वर्ण पदक जित्दै स्वर्ण पदकको संख्या २७ पुगेको हो ।

साइक्लिङ डाउनहिल प्रतिस्पर्धामा नेपालका पुरुषतर्फ राजेश मगर र महिलातर्फ निश्मा श्रेष्ठले स्वर्ण पदक जितेका हुन् । योसँगै नेपालको स्वर्ण संख्या २७ पुगेसँगै अग्रस्थानमा नै कायम रहेको छ ।

मंगलबारसम्म २३ स्वर्ण जितेको नेपालले आज थप ४ स्वर्ण हात पारेको हो । नेपालले आज कराँते र उसुतर्फ एक–एक स्वर्ण पदक जितेका हुन् ।

यस्तै, नेपाल कूल पदक तालिकामा पनि अग्रस्थानमा नै कायम रहेको छ । नेपालले अहिलेसम्म २७ स्वर्ण, १३ रजत र १७ काँश्य पदक गरी कूल ५७ पदक जितिसकेको छ ।