काठमाडाैं, मंसिर १८ ।
काठमाडाैंमा जारी १३ औँ दक्षिण एशियाली खेलकुद (साग) अन्तर्गत पुरुष फुटबलमा नेपाल र श्रीलंकाबीचकाे खेल बराबरीमा रोकिएको छ । दशरथ रङ्गशालामा सम्पन्न खेलमा नेपाल र श्रीलंकाबीचको खेल १-१ गोलको बराबरीमा रोकिएको हो ।

नेपालका लागि खेलको पहिलो हाफको ३७ औँ मिनेटमा पेनाल्टीमार्फत् सुजल श्रेष्ठले गोल गरेका थिए भने श्रीलंकाले अतिरिक्त थप गरिएकाे ४ मिनेटमा खेलकाे ९१ औँ मिनेटमा मोहमद आकिबले फ्रि-किकबाट सुन्दर गोल गर्दै खेल बराबरीमा पुर्‍याएकाे थियो ।

मंगलबार भुटानविरुद्ध २ गोल गरेका नेपाली कप्तान सुजलले जारी सागमा आफ्नो गोल संख्या ३ पुर्‍याएका छन् । अन्तिम मिनेटमा गोल गर्दै श्रीलंकाले नेपालसँग खेल बराबरी गरेर अंक खोस्न सफल भएको छ ।

योसँगै नेपालले २ खेलमा एक जित र एक बराबरी खेलेको छ भने श्रीलंकाले खेलेका दुबै खेलमा बराबरी खेलेको छ ।

आजको खेलपछि नेपालले अब शनिबार माल्दिभ्स तथा आइतबार बंगलादेशसँग खेल्ने तालिका रहेको छ । यस पटकको सागमा भारत र पाकिस्तानले फुटबलमा सहभागिता जनाएका छैनन् ।