काठमाडाैं, मंसिर २२ ।
जारी रहेकाे १३ औँ दक्षिण एशियाली खेलकुद (साग) अन्तर्गत आज पनि १५ वटा प्रतिस्पर्धात्मक खेलहरू हुँदै छन् । जनकपुरमा कुस्ती हुनेछ भने पोखरामा भारत्तोलन, महिला क्रिकेटको स्वर्ण पदकका लागि प्रतिस्पर्धा पनि हुने भएकाे छ ।

काठमाडौं उपत्यकामा पुरुष फुटबलमा नेपाल र बंगलादेश समूह चरणको खेलमा प्रतिस्पर्धा गर्दैछन् । दशरथ रङ्गशालामा अपरान्ह साढे ५ बजे खेल सुरु हुनेछ । पुरुष क्रिकेटको स्वर्ण पदकका लागि श्रीलङ्का र बङ्गलादेशबीच कीर्तिपुर मैदानमा भिड्दै छन् । ललितपुरमा पौडी, स्क्वास, जुडोलगायतका खेल हुँदै छन् ।

१३ औँ सागको पदक तालिकामा भारत शीर्ष स्थानमा रहेकाे छ । भारतले अहिलेसम्म एक सय १० स्वर्ण पदकसहित शीर्ष स्थानमा रहन सफल भएकाे छ भने नेपाल ४३ स्वर्ण पदकका साथ दोश्राे स्थानमा रहेकाे छ । जारी सागमा भुटानले अहिलेसम्म कुनै पनि स्वर्ण पदक जितेको छैन ।