काठमाडाैं, मंसिर २४ ।
काठमाडाैंमा जारी रहेकाे १३ औँ दक्षिण एशियाली खेलकुद (साग) खेलकुदको रिपोर्टिङका क्रममा आज प्रहरीले पत्रकार कुटेको घटनाप्रति राष्ट्रिय खेलकुद परिषद् (राखेप)ले आपत्ति जनाएको छ ।

रङ्गशालामा प्रहरीले दर्शक कुटेको भिडियो खिचेपछि पत्रकारमाथि जाई लागेकाे हाे ।

नेपाल र भुटानबीच हुने साग फुटबलकाे फाइनल हेर्न जम्मा भएका दर्शकमाथि प्रहरीले लाठी चार्ज गरेपछि नागरिक दैनिकका खेल पत्रकार सुमन चापागाईंले प्रहरी ज्यादतीको भिडियो खिचेका थिए ।

त्यसपछि प्रहरीले चापागाईँमाथि कुटपिट गरेको थियो । प्रहरीको कुटाईबाट पत्रकार चापागाईँको मुख र कानमा चोट लागेको छ ।

यतिबेला उनको राखेप मेडिकलमा उपचार भइरहेको छ । राखेपका उपाध्यक्ष पिताम्बर तिम्सिनाले पत्रकार कुटिनु असामान्य घटना भएको बताउँदै यसबारे सत्यतथ्य अनुसन्धान हुने बताएका छन् ।

उनले सुरक्षा प्रमुख र राखेपका सदस्य–सचिबबीच यसबारे थप छलफल हुने बताएका छन् ।