काठमाडाैं, मंसिर २४ ।
नेपालमा जारी रहेकाे १३ औँ दक्षिण एशियाली खेलकुद (साग) काे अन्तिम दिनकाे अन्तिम खेलअन्तर्गत नेपाल र भुटानबीचकाे निक्कै प्रतिस्पर्धात्मक पुरुष फुटबलमा नेपालले भुटानलाई फाइनल खेलमा २–१ गाेल अन्तरले हराउँदै विजयी भएकाे छ । याेसँगै नेपालले थप एक स्वर्ण जितेसँगै नेपालकाे स्वर्ण संख्या ५१ पुगेकाे छ ।

आज भएकाे फुटबल खेलमा पहिलाे हाफसम्म नेपाल र भुटान १–१ गाेलकाे बराबरीमा रहेकाे थियाे । आजकाे खेलमा नेपालले खेलकाे १६ औँ मिनेटमा ७ नम्बर जर्सीका अभिषेक रिजालले शानदार गाेल गरेर नेपाललाई अग्रता दिलाएका थिए । त्यसैगरी, खेलकाे ३७ औँ मिनेटमा भुटानका ११ नम्बर जर्सीका छेन्चाे गेल्टसनले गाेल गरी खेल १–१ गाेलकाे बराबरीमा पुर्‍याएका थिए ।

यसैगरी, दाेश्राे हाफकाे खेल सुरु भएकाे केहीँ मिनेटमा नै नेपालका लागि जर्सी नम्बर ९ का सुनिल बलले हेड गाेलमार्फत् ५३ औँ मिनेटमा शानदार गाेल गरी नेपालमा २–१ गाेलले अग्रता दिलाएका थिए । दुबै टीमले निक्कै राेमाञ्चक खेल प्रस्तुत गरेका थिए ।

साथै सम्पूर्ण नेपाली खेलाडी टीम र खेलाडीहरूलाई यस न्यूज पाेर्टल www.liveofnepal.net काे तर्फबाट हार्दिक मंगलमय शुभकामना एवं बधाई ।