काठमाडाैं, पुस ९ ।
गण्डकी प्रदेशका मुख्यमन्त्री पृथ्वी सुब्बा गुरुङले नेपालमा मनाइने विविध चाडपर्वले सामाजिक एकता र भातृत्व कायम गर्न सहयोग पुग्ने विश्वास व्यक्त गरेका छन् ।

इसाई धर्मावलम्बीहरूको महान् पर्व ख्रिष्टमसको अवसरमा शुभकामना सन्देश जारी गर्दै उनले सबैमा सुख, शान्ति र समृद्धिको कामना गरेका छन् । मुलुक संवैधानिक रूपमा धर्मनिरपेक्ष राष्ट्र भएको उल्लेख गर्दै मुख्यमन्त्री गुरुङले सन्देशमा धार्मिक सहिष्णुता कायम राख्दै राष्ट्रिय एकता बनाई राख्न पनि विविधतायुक्त चाडपर्वले सहयोग पुग्ने विश्वास व्यक्त गरे ।

ख्रिष्टमस पर्वले समेत विभिन्न धर्म, संस्कृति मान्ने सम्पूर्ण नेपालीहरूकाबीच आपसी सद्भाव, सामाजिक एकता र भातृत्व कामय गर्ने सन्देशमा भनिएको छ ।