काठमाडाैं, चैत २४ ।
वरिष्ठ पत्रकार भैरव रिसालको ९७ वर्षको उमेरमा निधन भएको छ । आज आइतबार बेलुकी निधन भएको हो । वरिष्ठ पत्रकार रिसालको पुरानो बानेश्वरस्थित फ्रन्ट लाइन अस्पतालमा आइतबार साँझ ८ बजे उनको निधन भएको हो ।

पत्रकार रिसालले मृत्युपश्चात् आफ्नो शरीर ललितपुरस्थित पाटन अस्पताललाई दान दिने निर्णय गरेका थिए । सोहीअनुसार रिसालको शव पाटन अस्पताललाई दिइएको उनका भाई पुरु रिसालले बताएका छन् । भाई पुरु रिसालकाअनुसार भैरव रिसालको कुनै पनि अन्त्येष्टिका कार्यक्रम हुने छैन । वरिष्ठ पत्रकार रिसाल वि.सं. १९८५ सालमा जन्मिएका थिए ।