स्पेनिस सुपर कपकाे उपाधी रियल म्याड्रिडकाे पाेल्टामा

काठमाडाैं, पुस २८ ।
गएराति सम्पन्न भएकाे स्पेनिस सुपर कपको उपाधी रियल म्याड्रिडले हात पार्न सफल भएकाे छ । उक्त खेलमा म्याड्रिडले पेनाल्टी सुट आउटमा एटलेटिको म्याड्रिडलाई ४-१ गाेल अन्तरले पराजित गर्दै सुपर कपको उपाधी हात पारेकाे हो ।
साउदी अरबमा सम्पन्न खेलमा ९० मिनेटसम्मको खेल दुबै टीमकाे तर्फबाट गोल हुन नसकेपछि अर्को आधा घण्टा खेलिएको थियो । सो समयमा पनि दुबै टीमले गोल गर्न नसकेपछि खेल बराबरीमै सकिएकाे थियाे । अन्तिममा आएर खेलको निर्णय पेनाल्टी सुट आउटबाट भएको थियो । खेलको ११५औँ मिनेटमा रियलका फेडेरिक भाभेर्डोले रातो कार्ड पाएका थिए ।
पेनाल्टी सुट आउटमा रियलका बेल्जियम गोलकिपर थिबाउट कार्टोइसले शानदार बचाउ गरेर रियललाई जित दिलाएका हुन् ।
योसँगै रियल म्याड्रिडले ११ औँ स्पेनिस सुपर कप जितेको छ । त्यस्तै, बार्सिलोनाले अहिलेसम्म १३ पटक सुपर कपको उपाधि जितिसकेको छ ।
त्यसैगरी, रियलका कोच जिनेदिन जिदानले रियलका लागि म्यानेजरको रूपमा नवौँ उपाधी जितेका छन् । एटलेटिकोविरुद्ध २०१५ र २०१६ मा च्याम्पियन्स लिग फाइनल जितेका जिदानले यस पटक सुपर कप पनि जित्न सफल भएका छन् ।
प्रतिक्रिया